Welcome

Härzlich willkomme uf www.hip-hop-scene.ch. Uf dere Site wärdet ihr Informatione zu CH Rapper, Groups & DJ's, ihri Lyrics (sowyt verfüegbar), allgemeini Informatione zu Hip Hop und e hoffentlich immer grösser wärdendi Graffiti-Sammlig finde.
Falls ihr irgendwelchi Bugs gsend, wäri froh, wenn er die entwäder is Guestbook schribed oder mir e E-Mail an admin@hip-hop-scene.ch schiked. No vil Spass ;-)


News

Generalrevision (19. Juli 2008)

Nach fascht 2 Joor han ych mich ändlich mol wyder an mini Website gsetzt und gfunde: Jetzt muess e Generalüberholig häre! Und so han ych die letzschti Wuche zumne grosse Teil demit verbrocht, die Website neu z strukturiere und ufe neuschti Stand z bringe.
Layoutmässig händ sich e paar chlyneri Sache gänderet: e helleri Schriftfarb, chlyneri Hintergrundbilder, und allgemein e besseri Läsbarkeit vo de Site. Desweiteren han ych no d Biographie vo de Künstler so guet wie möglich aktualisiert.
In neggschter Zyt will ych mich v.a. uf d Lyrics-Sektion konzentriere, damit dört mol echly e grösseri Sammlig entstoht. Wenn dir Lyrics händ, wär ych froh, wenn der mer die an text@hip-hop-scene.ch schicked, würd mir einiges an Arbet erspare ;-).
Greez @ all
admin


Neus Layout upgloadet (13. Oktober 2006)

So, s neue Layout isch fertig. Bi Bugs wäri, wie obe gseit, froh, wenn er die is Guestbook schribed, oder mir mailed. Ych versuech jetzt mol no Gleiser-Lyrics ufztrybe, mol luege, öb sich do öppis findet ;-)
Greez @ all
admin


Updates zum Layout (19. September 2006)

Ufgrund vo paarne Verbesserigsvorschläg hani jetzt s Layout no liecht gänderet, ych ha jetzt 2 Variante, eini in blau und eini in rot. Ych wird spötischtens in 2-3 Wuche s neue Layout ufelade, wenns goht, chly früener, chunnt druf a, wievil Zyt i ha.
Greez @ all
admin


Mol wyder es neus Layout (19. Juli 2006)

Ych ha in letschter Zyt wider mol an emne neue Layout gfilt. Ych wär froh wenn der euri Meinig über s neue Layout is Guestbook schribe, au Verbesserigsvorschläg sind willkomme.
Desweiteren hani d Gleis2-Bio erneueret, merci für de Tipp K12, isch würkli nüm grad die neuschti gsy...
Greez @ all
admin


At work again (06. März 2006)

Nach ere Pause hani wider mol Zyt und Musse gha, d Page z aktualisiere. Also, folgendi Neuigkeite:
Es händ wider Acts zrugggschribe: nämli d Emel und de Tibner vo Gleis 2. Au für sie sind d Bios in Ornig, do gits also keini Änderige, blibt alles bim Alte.
So, und jetzt no zu de Lyrics: I ha vor, do i de nächschte Dääg aazfange, ha jo Ferie, jetzt sött i Zyt ha ;-). Also chönd er euch bald über Lyrics vom Lexx, vo Chlyklass, vor Emel und vo Gleis 2 freue
Also, denn wünsch ich euch allne e schöni Zyt und hoff, dass es mit de Page wider chli vorwärts goht.
Greez @ all
admin


Erschti Antworte vo de Acts (24. Januar 2006)

S händ scho e paar Acts gantwortet: de Lexx, de DefCut und Chlyklass. Es fetts Dankeschön, i mues säge, i hätt nid erwartet, dass die erschte Antworte scho so schnäll chöme, ha erscht hüt Zyt gha zruggzschribe, mini Reaktion isch also dütlich langsamer...
Bis jetzt het au no niemer öppis degege gha, dass ich Lyrics vo ihm / ihne veröffentliche, und bi de Bios hets eigentlich au nur chlyni Änderige geh. Freu mi scho uf die nächschte Mails... :-)
Greez @ all
admin


Page aktualisiert (21. Januar 2006)

So, d Page isch aktualisiert. I bi froh, dass es chli früener als dänkt möglich gsi isch, jetzt ha i chli meh Zyt für anders. Schribed mer euri Meinig über s Layout (oder allgemein über d Page) doch is Guestbook, mich würd bsunders interessiere, wies mit de Ladezyte usgseht. I hoff, s isch no erträglich...
Ich wird jetzt denn de Acts die E-Mails schribe, wo i akündet ha, i wird euch do drüber infrormiere, wenn und was sie zrugggschribe händ und öb ich Änderige im Bereich Bios oder Lyrics vorgnoh han.
Greez @ all
admin


Neus Layout (14. Januar 2006)

I bi momentan (ändli) dra, s Layout vo dere Site z überarbeite. Dorum bitti um Verständnis, dass i momentan Graffitis oder anderi Sache nid cha ufelade. I hoff, dass d Page bis Ändi Januar aktualisiert isch. Witer will ich denn E-Mails an d Acts schribe, wo ich do vorstell, und se froge, öb das, was ich veröffentlicht ha, in Ornig isch, oder öb ich Äderige söll vorneh. I wird au no froge, öb ich Songtexts darf veröffentliche, und wird dorum d Kategorie Lyrics erscht denn bearbeite, wenn mir das vom jewilige Act erlaubt worde isch. Greez @ all
admin