Drey mol dörfsch rote, welli Drey wieder am Start sind
Triple Touble us em Baselbiet, s'isch ächt dr Wahnsinn!
Keini drey Frogezeiche, dasch klar wie toti Leiche,
Sondern die drey Sieche wo Stefan, Joël und Tobi heisse
Mir sin quietschfidel, hän immer no Beats mit Seel
Fierce, was goht? Nimmsch immer no viel z'viel Gel!
Mit de Frise gsehsch jo us wie e Handtäschedieb,
Doch abgseh dfro, bisch e ganz nätte Siech,
Wo ganz näbebyy no die derbste Beats baschtled
Lägg bin ych privilegiert! Was würd ych ohni dich mache?
Nei ehrlich, ych schwör, ych find dini Beats easy
Jedes Mol wenn ych sie ghör, krieg ch e styyfs Pfyyfli
Und das will öppis heisse, das kunnt nid oft vor
Im Verglyych zu dine Beats sind alli andre Softcore
Fierce du bisch dr Härtischt, ych will wie du syy
Ych bi di grösste Fan und dis grösste Groupie.
Vom "B" zum "R", das stoht für Beat und Rap.
Zum "A.N.D." für alles andere, wo dr DJ prägt
Und "Härd" stoht ganz eifach für dött wos härkunnt
Baselbiet unsri Härkunft, Musik unser Schärpunkt
Cuts: Schreib wie'n Gestörter jede Nacht neue Burner. Meine These: Rap ist gut für Seele und Körper
Refrain
Es goht um d "Liebi zur Sach" wie bi dr Tafs
Ihr wänd "Fette Rap"? He jo, denn kriege dr das!
Ihr sind die tryybendi Kraft, wo uns dr Rucke stärkt
Jäwohl, ihr gänd uns Power und mir euch umgekehrt
Mir sind mit euch unde wie Akkus und doch g'lade wie Batterie
Hän no soviel Phantasie, wo mr wän uf Platte schryybe
Trage keini Scheuklappe, dien a Neuem schaffe
Weils für uns nütt schöners git, wenn ihr vor Freud klatsched
Es isch Zyt euch z'danke: Ihr mached uns e Riesefreud
Mir kämfe zämme für s'Rächt uf Party wie d'Beastie Boys
Mir hän's niemols mies mit euch, drum gits au immer meh Neus
Bis mr alt und bärtig sind wie Hüüser mit Efeu
Ych gseh euch an dr Konzärt, immer wenn mr uffträtte
Die Momänt sin so viel wärt, merci fürs uffpäpple!
Euri Mithilf ka nie schade, sälbscht bim Reime
Und wenn ihr no richtig abgönd, bin ych mit dr Wält im Reine
Refrain