Na klar doch närv au ych mi z'oft über irgend e Arschloch
Aber myyd Konflikt denn was drus wird erfahrsch doch
In dr tägliche Noochrichte vor dr flimmernde Mattschyybe
Die Trottel wo kämpfe statt dichte würd-y am liebschte plattschriyybe
Ych mein dr Stei vom Aastoss isch oft ganz harmlos
E falsche Blick, e Missverständnis, d'Reaktion isch masslos
Dr Konflikt entfaltet sich und d'Situation eskaliert
Nur no Hass und Gwalt in Sicht und keine hett's kapiert
Gschichte us em Alltag won Ych so uf's Textblatt krieg
Entwickle sich ständig, sag mr was als nexts passiert!
Es herrscht e kalte Krieg wie friehner zwüsche Ost und West
und Ych will lieber nid wüsse wieviel dä Scheiss kostet hett
D'Macht vo einst rostet jetzt bi dr Sowjets oder in China
Und es chlöpft immer wieder zwüsche Israel und Palästina
"El Nino" goht umme und das nid numme im Klima
Die ganzi Wält e Schlachtfäld aber mir gohts eigentlich prima
Scratch: "El Nino" goht umme und das nid numme im Klima
Die ganzi Wält e Schlachtfäld aber mir gohts eigentlich prima
Do liggsch also, verstümmlet uf em Setziertisch
Und d'Wält interessiert0s nid wie du krepiert bisch
Wenn das kei Krieg isch? Ihr könned's nenne wie dr wänd
Ych hoff ych krieg en nie z'Gsicht und das Renne het es Änd
Denn solang ych dänk und dicht, all die schwyygende Wänd durchbrich
Sag ych: Mi hän dr nid wil ych gseh nur verbali Käpf als Pflicht
Aber was änderet sich? Sozusage gar nix
S'Volk in Panik wird beruhigt durch die next Verarschig
Friedensabkomme zur Tarnig denn wo die wyssi fahne flattred
Liege Veterane bestatted, nur Hutt und Knoche wo klappered
Uf Sitte vo dr Hinterbliebene, das heisst zerstörti Familie
Wo nid wüsse wo dure und wo sie's hiezieht
Denn s'Heim isch zerbombt un dr Machthaber mit Dachschade
Ignoriert das Meer vo Klage verborge hinter dr Fassade
Wil es wär jo hinderlich, wenn öpper derhinterblickt
Und merk dass wo d'Regierig sitzt alles no viel schlimmer isch
Refrain
Stell dr e Freestylebattle vor: Sharon gege Arafat
Politiker wo Klartext rede und nid nur predige wie beknackt
Die heiligi Stadt als Mekka fär MC's us jedem Land
Und dusse vor dr Huustür breake die Junge gegenand
Anstatt mit Stei z'wärfe und uf dr Stroos z'stärbe
Währenddesse d'Kinder deheime in Friede gross wärde
Erzoge vo Eltereteil us verschiedene Kulturkreis
Aber leider isch die Zytt nid die wo's uf miner Uhr zeigt
D'Vergangeheit belaschtet und keine wills vergässe
Konflikt wärde mit Arschtritt und nid mit Skills bemässe
S'isch wie bim Pilzlifrässe: Himmel- oder Höllefahrtskommando
Denn wie will e Friede z'standcho mit Kriegsschiff vor Anker
Belade mit Elitetruppe wo jederzytt könne an Land goh?
Wenn jede uf sim Punkt verharrt denn goht das jo no lang so
Mir bruche Peace statt Panzer und Idee statt Waffe
Damit mr keini Konflikt sondern neue Platz schaffe
Refrain